მთიანი ყარაბაღის კონფლიქტის ზონაში ინტენსიური ბრძოლები გრძელდება. მხარეები განსხვავებულ ცნობებს ავრცელებენ.
არაღიარებული მთიანი ყარაბაღის ხელისუფლება აცხადებს, რომ შეიარაღებულმა ძალებმა აზერბაიჯანის ქალაქებში სამხედრო ობიექტებზე იერიში მიიტანა და სამხედრო აეროდრომი გაანადგურა.
"განჯის სამხედრო აეროდრომი ჰაერში აფრინდა", - დაწერა Facebook-ზე ყარაბაღის ე.წ. პრეზიდენტის პრესმდივანმა ვაგრამ პოღოსიანმა.
მან აზერბაიჯანული ქალაქებს მცხოვრებელებს მათი დატოვებისკენ მოუწოდა და აღნიშნა, რომ ამ ქალაქებში სამხედრო ობიექტები ყარაბაღის არმიისთვის სამიზნე მას შემდეგ გახდა, რაც აზერბაიჯანულმა ძალებმა სტეპანაკერტი დაბომბეს.
აზერბაიჯანის თავდაცვის სამინისტრო თავის მხრივ აცხადებს, რომ განჯა სომხეთის შეიარაღბულმა ძალებმა დაბომბეს, ამის გარდა უწყებაში დაამატეს, რომ იბომბება ქალაქები ტერტერი და გორადიზი ფიზულინის რაიონში.
მანამდე გავრცელდა ინფორმაცია, რომ სტეპანაკერტში რამდენიმე აფეთქება მოხდა. არაღიარებული მთიანი ყარაბაღის ე.წ. პრეზიდენტის თქმით, აზერბაიჯანულმა ძალებმა ქალაქი სისტემა „სმერჩიდან“ და „პოლონეზიდან“ დაბომბეს.