სოლომონის კუნძულებზე კორონავირუსის პირველი შემთხვევა გამოვლინდა. ამის შესახებ ქვეყნის პრემიერ მინისტრმა მანასე სოგავარემ განაცხადა.
"გვაქვს COVID-19-ის პირველი შემთხვევა, ინფიცირებული სტუდენტია, რომელიც ფილიპინებიდან ჩამოფრინდა. ჩემთვის მძიმეა ამაზე საუბარი: დავკარგეთ კორონავირუსისგან თავისუფალი ქვეყნის სტატუსი", - განაცხადა სოგავარემ პრესკონფერენციაზე.
აღნიშნულია, რომ ვირუსი ტესტირების დროს გამოვლინდა, როდესაც სტუდენტი ქვეყნის დედაქალაქ ჰონიარაში ჩაფრინდა, მას ტესტი ჩაუტარდა. ახალგაზრდას კორონავირუსისთვის დამახასიათებელი სიმპტომები არ ჰქონია.
პრემიერ მინისტრის თქმით, სოლომონის კუნძულებზე გამოფრენამდე, სტუდენტის ტესტი COVID-19-ზე უარყოფითი იყო.