ინტერნეტგამოცემა Koza.press-ის მთავარმა რედაქტორმა, ირინა სლავინამ ნიჟნი ნოვგოროდში, შინაგან საქმეთა სამინისტროს რეგიონული განყოფილების შენობის წინ თავი დაიწვა. იუწყება გამოცემა Kommersant-ი ჟურნალისტის მეგობრებზე დაყრდნობით.
გამოცემის ინფორმაციით, პოლიციამ ვერ შეძლო ირინა სლავინას შეჩერება. ის ადგილზე გარდაიცვალა.
წინა დღით ირინა სლავინამ სოციალურ ქსელში დაწერა, რომ მის სიკვდილში დამნაშავე რუსეთის ფედერაციაა.
1-ელ ოქტომბერს, ირინა სლავინამ განაცხადა, რომ მის ბინაში სამართალდამცავებმა ჩხრეკა ჩაატარეს. მისი თქმით, ისინი ეძებდნენ ბროშურებს და ინვოისებს, რომელიც დაკავშირებული იქნებოდა ოპოზიციურ ორგანიზაცია „ღია რუსეთთან“.
სლავინას ინფორმაციით, სამართალდამცავებმა წაიღეს მისი, მისი ქმრისა და ქალიშვილის ფლეშდრაივები, კომპიუტერი და ტელეფონები.
