სტოკჰოლმში ნობელის პრემიის ლაურეატების დაჯილდოების ცერემონია, COVID-19 კორონავირუსის პანდემიის გამო, ლაურეატების მონაწილეობის გარეშე ჩატარდება, - აღნიშნულის შესახებ ორგანიზატორებმა განაცხადეს.
"სტოკჰოლმში ნობელის პრემიის ტრადიციული ცერემონია და ნობელის ბანკეტი გაუქმებულია", - ნათქვამია ნობელის კომიტეტის განცხადებაში.
კომიტეტის ინფორმაციით, პრემიის გადაცემის ცერემონიის ტრანსლირება ტელევიზიით მოხდება.
ევროპული მედია იუწყება, რომ ნობელის პრემიის დაჯილდოების ტრადიციული ცერემონია ისტორიაში მეორედ გაუქმდა. პირველად, ცერემონია მეორე მსოფლიო ომის დროს გაუქმდა.
2020 წლის ნობელის პრემიის ლაურეატთა ვინაობა ოქტომბერში გახდება ცნობილი.