საქართველოს პრეზიდენტი სალომე ზურაბიშვილი მწუხარებას გამოთქვამს შეერთებული შტატების უზენაესი სასამართლოს მოსამართლის, რუთ გინსბურგის გარდაცვალების გამო. ამის შესახებ პრეზიდენტი მიკრობლოგ "ტვიტერზე" წერს.
"რუთ გინსბურგის ქმედებები და მემკვიდრეობა სცილდება შეერთებული შტატების საზღვრებს. მან ხელი შეუწყო ქალთა უფლებების დაცვას, კანონის უზენაესობის დამკვიდრებასა და თავისი პრინციპებისთვის ბრძოლას, მან მაგალითი მისცა ამერიკასა და მსოფლიოს. ქართველი ხალხის სახელით, ღრმა მწუხარებით სამძიმარს ვუცხადებ მის ოჯახს", - წერს სალომე ზურაბიშვილი.
შეერთებული შტატების უზენაესი სასამართლოს მოსამართლე, რუთ ბეიდერ გინსბურგი 87 წლის ასაკში გარდაიცვალა.