ფოთში, მალთაყვის ხიდთან მაღალი სიჩქარით მოძრავი მოტოციკლის მძღოლი ბანერს შეეჯახა და ხიდიდან გადავარდა. სასწრაფო დახმარების ბრიგადამ დაშავებული ფოთის ჰოსპიტალში გადაიყვანა.
ექიმების თქმით, დაშავებული 36 წლის მამაკაცის მდგომარეობა მძიმეა.
"გადაყვანილია მართვითი სუნთქვის აპარატზე, აღენიშნება კომა. მიმდინარეობს რეანიმაციული ღონისძიებები. პაციენტის მდგომარეობა უკიდურესად მძიმე და არასტაბილურია. გამოძახებულია რეფერალური სამსახური“, - განაცხადა ჰოსპიტალის დირექტორმა, თეა მიგინეიშვილმა.
