ბელარუსის ქალაქ ბრესტის მკვიდრი, რომელიც პოლიციამ ანტისამთავრობო საპროტესტო აქციაზე დაჭრა, გარდაიცვალა. ინფორმაციას ადასტურებს ბელაურის ჯანმრთელობის სამინისტრო.
ჯანდაცვის სამინისტროს ცნობით, გასული კვირის ბოლოს, ბრესტის მკვიდრი, 43 წლის გენადი შუტოვი რეგიონალური საავადმყოფოდან სამკურნალოდ თავდაცვის სამინისტროს საავადმყოფოში გადაიყვანეს.
სამშაბათს, მისი მდგომარეობა გაუარესდა და ექიმების მცდელობის მიუხედავად, მამაკაცმა ვერ გადაარჩინეს.
როგორც იტყობინებიან, შუტოვი თავის არეში ცეცხლსასროლი იარაღით დაჭრეს.
სამართალდამცავების მიერ ძალის გამოყენებას ბელარუსში კიდევ ორი მშვიდობიანი მოქალაქე ემსხვერპლა - 34 წლის ალექსანდრ ტარაიკოვსკი და 25 წლის ალექსანდრ ვიხორი.
ბელარუსში ერთ კვირაზე მეტია არ წყდება საპროტესტო აქციები, რომლის მონაწილეებიც არ ეთანხმებიან 9 აგვისტოს გამართულ საპრეზიდენტო არჩევნების შედეგებს. ცესკო-მ გამარჯვებულად მოქმედი პრეზიდენტი, ალიაქსანდრ ლუკაშენკა გამოაცხადა.
გასულ დღეებში აქციების მონაწილეებს ძალოვანები სასტიკად გაუსწორდნენ. მომიტინგეთა წინააღმდეგ სამართლადამცველებმა ცრემლსადენი გაზი, წყლის ჭავლი, რეზინის ტყვიები და მანათობელი ყუმბარები გამოიყენა.