შეერთებული შტატების დემოკრატიული პარტიის ეროვნულ ყრილობაზე 77 წლის ჯო ბაიდენი ოფიციალურად დასახელდა საპრეზიდენტო კანდიდატად.
კორონავირუსის პანდემიის გამო, პარტიის ეროვნული კონვენცია ონლაინ ფორმატში ჩატარდა.
პარტიის დელეგატების ყველაზე მეტი, 3 558 ხმა ჯო ბაიდენმა მიიღო, მისმა შიდაპარტიულმა მეტოქემ, ვერმონტის სენატორმა, ბერნი სანდერსმა კი - 1 151.
აშშ-ის საპრეზიდენტო არჩევნები 3 ნოემბერს გაიმართება. რესპუბლიკელთა სახელით, ბაიდენს დაუპირისპირდება ქვეყნის ამჟამინდელი პრეზიდენტი დონალდ ტრამპი.