გერმანიის კანცლერი ანგელა მერკელი ბელარუსში დაკავებული მომიტინგეების დაუყოვნებლივ გათავისუფლებას მოითხოვს. ამის შესახებ გერმანიის მთავრობის ოფიციალურმა წარმომადგენელმა, შტეფენ ზაიბერტმა განაცხადა.
მისივე განცხადებით, კანცლერი გმობს ბელარუსში მშვიდობიანი დემონსტრანტების მიმართ გამოყენებული ძალადობას.
ბელარუსში მიმდინარე მოვლენებს გუშინ, გერმანიის საგარეო საქმეთა მინისტრი ჰაიკო მაასიც გამოეხმაურა.
ჰაიკო მაასმა განაცხადა, რომ ევროკავშირის საგარეო საქმეთა მინისტრებმა პარასკევს ბელარუსთან დაკავშირებულ საგანგებო შეხვედრაზე უნდა გააძლიერონ ზეწოლა ბელარუსის ხელისუფლებაზე.
ბელარუსში მეხუთე დღეა არ წყდება საპროტესტო აქციები, რომლის მონაწილეებიც არ ეთანხმებიან 9 აგვისტოს გამართულ საპრეზიდენტო არჩევნების შედეგებს. ცესკოს წინასწარი მონაცემებით ქვეყნის მოქმედმა პრეზიდენტმა ალექსანდრ ლუკაშენკომ ხმათა 80,09 % დააგროვა, მისმა პოლიტიკურმა მოწინააღმდგემ, სვეტლანა ციხანოვსკაიამ კი - 10,0%.
საპროტესტო აქციების დროს დაიღუპა ორი ადამიანი, 200-ზე მეტი ადამიანი დაშავდა. დაკავებულია 7 თასამდე მოქალაქე.