უკიდურესად მძიმე საყურებელია, როდესაც გაკოტრებული ოპოზიცია იმის მაგივრად, რომ პარლამენტში რამეზე შინაარსობრივად საუბრობდეს, საუბრობს გარდაცვლილი ადამიანების სახელით და პირადი ტრაგედიებით მანიპულირებს, შანტაჟს აკეთებს, - ამის შესახებ საქართველოს პრემიერ-მინისტრმა გიორგი გახარიამ ია კერზაიას საქმეზე დასმული კითხვის პასუხად განაცხადა.
პრემიერმა აღნიშნულ საკითხზე ოპოზიციის საუბარს პირადი ტრაგედიებით სპეკულირება და სირცხვილი უწოდა.
„ამას რა ქვია იცით? მე გეუბნებით, რომ სირცხვილია, როდესაც გარდაცვლილი ადამიანების სახელით და პირადი ტრაგედიებით თანმიმდევრულად, ყოველ აქ მოსვლაზე ამით სპეკულირებთ. რას აჩვენებს ეს იცით? ჩვეულებრივი პოლიტიკური სპეკულიანტები ხართ, მეტი არაფერი,“- აღნიშნა გიორგი გახარიამ.
