📈🖊აჭარის ავტონომიური რესპუბლიკის 2020 წლის რესპუბლიკური ბიუჯეტის პირველი კვარტალი 112,3 პროცენტით შესრულდა.
➡ბიუჯეტის შემოსულობების 2020 წლის პირველი კვარტლის დაზუსტებული გეგმა 70 241 800 ლარით განისაზღვრა, ფაქტიურმა შესრულებამ 78 879 500 ლარი შეადგინა, რაც გეგმის 112,3 პროცენტია. წინა წლის ანალოგიურ მაჩვენებელთან (67 250 200 ლარი) შედარებით შემოსულობების ფაქტიური შესრულება 11 629 300 ათასი ლარით, ანუ 17,3 პროცენტით არის გაზრდილი.
✅აჭარის მთავარი ფინანსური დოკუმენტის ანგარიში აჭარის უმაღლეს საბჭოს კომიტეტებს აჭარის ფინანსთა და ეკონომიკის მინისტრმა ჯაბა ფუტკარაძემ წარუდგინა. მინისტრმა საბიუჯეტო პარამეტრების შესახებ დეპუტატების შეკითხვებს უპასუხა.
➡შემოსავლები 116,3 პროცენტით შესრულდა. შემოსავლების გეგმა 66 541 800 ლარით განისაზღვრა, ფაქტიურმა შესრულებამ 77 391 900 ლარი შეადგინა.
➡სხვა შემოსავლები 154,1 პროცენტით შესრულდა. რესპუბლიკური ბიუჯეტის 2020 წლის პირველი კვარტლის სხვა შემოსავლების გეგმა 2 655 000ლარით განისაზღვრა, ხოლო შესრულებამ 4 092 300 ლარი ანუ გეგმის 154,1 პროცენტი შეადგინა.
➡გადასახადები 114,7 პროცენტით შესრულდა. საშემოსავლო გადასახადის გეგმა 63 886 800 ლარით განისაზღვრა, ხოლო ფაქტიურმა შესრულებამ 73 299 600 ლარი, ანუ გეგმის 114,7 პროცენტი შეადგინა.