მიკროავტობუსებს ფეხზე მდგომი მგზავრების გადაყვანა აეკრძალებათ. აღნიშნულ ინფორმაციას "თბილისის მიკროავტობუსი ავრცელებს.
გარდა ამისა, მიკროავტობუსში აკრძალულია მგზავრის პირბადის გარეშე დაშვება.
"აკრძალულია მგზავრის დაშვება მიკროავტობუსში დამცავი პირბადის გარეშე, ასევე, აკრძალულია სატრანსპორტო საშუალებაში ფეხზე მდგომი მგზავრის აყვანა, აიკრძალა გაგრილების სისტემის ჩართვა და ასევე, სავალდებულოა სატრანსპორტო საშუალების ღია ფანჯრებით გადაადგილება", - ნათქვამია განცხადებაში.
შეგახსენებთ, 29 მაისიდან აღდგება მუნიპალური ტრანსპორტის მუშაობა.
