საქართველოში კოვიდინფიცირებულთა 74% გამოჯანმრთელდა, - ამის შესახებ თბილისის ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა.
„კოვიდცენტრებში ამჟამად 166 პაციენტი მკურნალობს. გამოჯანმრთელებულთა რაოდენობა უკვე 2-ჯერ უსწრებს მკურნალობის პროცესში მყოფ პაციენტთა რაოდენობას“, - განაცხადა მარინა ეზუგბაიამ.
ქვეყანაში კორონავირუსი 735 ადამიანს დაუდასტურდა, აქედან 557 უკვე გამოჯანმრთელდა. გარდაიცვალა 12 ადამიანი.
კარანტინის რეჟიმში 3 076 ადამიანი რჩება, სტაციონარში მეთვალყურეობის ქვეშ კი - 250.