ბურჯანაძე იყო ავანტიურისტი ყოველთვის და ის აქციაც ავანტიურისტული იყო თავიდან ბოლომდე. იმ აქციას არც პოლიტიკური წრეები აჰყვა, არც ხალხი აჰყვა და ერთადერთი გამოსავალი იქიდან იყო მსხვერპლი. მას სჭირდებოდა მსხვერპლი და ეს მსხვერპლი მიიღო, - ამის შესახებ რეჟისორმა გოგა ხაინდრავამ "იმედის" გადაცემაში "არენა" 2011 წლის 26 მაისის აქციაზე საუბრისას განაცხადა.
მან აღნიშნა, რომ დარბევის გადაწყვეტილების შესახებ ინფორმაციის შესახებ ნინო ბურჯანაძე გააფრთხილა, ის კი რუსთაველის გამზირიდან გაიქცა.
"იქიდან დამირეკა კაცმა, რომელსაც მამა აფხაზეთში გადავურჩინე და მითხრა, რომ უსასტიკესი დარბევა იქნებაო, მიღებულია გადაწყვეტილებაო და პირდაპირ მითხრა რა იქნება. გავაფრთხილე ბურჯანაძე 8 საათზე, რომ 7 ნოემბერი მონაგონი იქნება, რასაც გაგიკეთებენ. იგივე ვუთხარი ირაკლი ბათიაშვილს. პასუხი იყო ის, რომ დარბევის წინ ჩაბრძანდა მანქანაში თავის ქმართან ერთად და გაუხსნეს კორიდორი", - ამბობს ხაინდრავა.
