ესპანეთი კორონავირუსის მსხვერპლთა ხსოვნის პატივის მისაგებად 10-დღიან გლოვას გამოაცხადებს. აღნიშნულის შესახებ ესპანეთის პრემიერ-მინისტრმა, პედრო სანჩესმა პრესკონფერენციაზე განაცხადა.
პედრო სანჩესის განცხადებით, გლოვა სამშაბათიდან გამოცხადდება, როდესაც მთავრობა დაამტკიცებს ოფიციალურ დეკლარაციას გლოვის გამოცხადების შესახებ.
"ჩვენ მივაგებთ პატივს კორონავირუსის მსხვერპლთა ხსოვნას. გლოვა გაგრძელდება 10 დღიე და ეს იქნება ყველაზე ხანგრძლივი გლოვა, ჩვენი დემოკრატიის ისტორიაში", - თქვა პედრო სანჩესმა.
"ამ ოფიციალური გლოვით, ჩვენ გვინდა დავანახოთ ჩვენი ტკივილი, სინანული და დაზარალებულთა პატივისცემა. ისინი, ვინც ეპიდემიას ემსხვერპლნენ, იმსახურებენ, რომ ახსოვდეთ", - დასძინა პრემიერ-მინისტრმა.
ბოლო მონაცემებით, კორონავირუსის პანდემიას ესპანეთში 28 628 ადამიანი ემსხვერპლა.