ისეთი შემართებითა და ისე ლაღად, როგორც ადრე აკეთებდა განცხადებებს საქართველოზე , ახლა ვეღარ გააკეთებს, - განაცხადა “ერთიანი ნაციონალური მოძრაობის“ თავმჯდომარემ, გრიგოლ ვაშაძემ „ტვ პირველის“ ეთერში ილაპარაკა იმ შეზღუდვებზე, რომელიც უკრაინაში დანიშვნა მოახდენს საქართველოს მესამე პრეზიდენტ მიხეილ სააკაშვილზე.
„უზარმაზარი ფაქტორი არის საქართველოს მესამე პრეზიდენტი ჩვენს პოლიტიკაში, ვის რა შენიშვნები და პრეტენზიები არ უნდა ჰქონდეს მასთან, 2003 წლიდან 2012 წლამდე მიღწეულ შედეგებს საქართველოს იმჟამინდელ ხელისუფლებას ვერავინ წაართმევს. ეს როლი საქართველოს პოლიტიკასთან მიმართებით შეზღუდული იქნება, იმიტომ, რომ უკრაინის სახელისუფლო პოზიციაზე მყოფ ადამიანს აქვს საერთაშორისო სამართლებრივი შეზღუდვები. ისეთი თავისუფლებით, ისეთი შემართებით და ისე ლაღად, როგორც საქართველოზე ადრე აკეთებდა განცხადებებს, ახლა ვეღარ გააკეთებს. იმიტომ, რომ მშვენივრად ესმის რა ვალდებულებები იკისრა. ეს უკვე კერძოდ მიხეილ სააკაშვილის განცხადებები კი არ იქნება, ეს იქნება უკრაინის ხელისუფლების განცხადებები. ამიტომ, ნაკლები დოზით ვიხილავთ ფორმალურ ნაწილში. არაფორმალურ ნაწილში კი ყოველდღე ველაპარაკები, დღეგამოშვებით ყოველ შემთხვევაში. მისი აზრი მაინტერესებს“, - თქვა გრიგოლ ვაშაძემ.