„ქართული ოცნების" სპიკერები მატყუარები არიან და მათი ტყუილი არაერთხელ გვინახავს - ახლა ზურაბიშვილმა დაადასტურა, - ამბოს „ევროპულ საქართველოს“ ლიდერი ზურაბ ჭიაბერაშვილი.
მისი თქმით, პრეზიდენტმა აღიარა, რომ ბიძინა ივანიშვილი ყველა გადაწყვეტილების მიღებაში არის ჩართული.
„ქართული ოცნების" სპიკერები მატყუარები არიან და მათი ტყუილი არაერთხელ გვინახავს - ახლა ზურაბიშვილმა დაადასტურა, რომ რას იტყვის "ოცნების" სპიკერი, არ აქვს მნიშვნელობა - გადაწყვეტილებებს იღებს ივანიშვილი. თავად ზურაბიშვილიც, მიუხედავად იმისა, რა უნდა განაცხადოს - ვიცით, რომ პოლიტპატიმრების გათავისუფლება იყო ივანიშვილის გადაწყვეტილება მიღებული იძულებით, იმ მოთხოვნიდან გამომდინარე, რომელსაც მას უყენებს ქართული და საერთაშორისო საზოგადოება", - ამბობს ზურაბ ჭიაბერაშვილი.
შეგახსენებთ, რომ ქვეყნის პრეზიდენტმა „რუსთავი 2-ის“ ეთერში პოლიტპატიმრების გათავისუფლების შესახებ ისაუბრა. პრეზიდენტმა განაცხადა, რომ გიგი უგულავას და ირაკლი ოქრუაშვილის შეწყალების საკითხთან დაკავშირებით ბიძინა ივანიშვილს გადაწყვეტილება წინასწარ შეატყობინა.
