საქართველოს პარლამენტის დამოუკიდებელმა დეპუტატმა, ეკა ბესელიამ პარლამენტის პლენარულ სხდომაზე ბაღდათში მომხდარ ტრაგედიაზე ისაუბრა და აღნიშნა, რომ გასარკვევია, რატომ ჰქონდა იმ ოჯახს სოციალური დახმარება შეჩერებული.
მისი თქმით, გასარკვევია სად იყო ადგილობრივი ხელისუფლება და სოციალური მუშაკები და რა გაკეთდა, რომ ეს უბედურება ყოფილიყო თავიდან აცილებული.
"ადამიანის უფლებების დაცვის კომიტეტის თავმჯდომარე, რომელსაც დღემდე ვერ გაუგია, რისი კომიტეტის თავმჯდომარეა, ისეთ განცხადებებს კი არ უნდა აკეთებდეს, რომ ვიღაცა პასუხისგებაში მისცენ პარლამენტის მიერ მიღებული აქტის გამო, არამედ ასეთ ფაქტებზე უნდა რეაგირებდეს.
ველოდები საჯაროდ იმ ფაქტებსა და პასუხის მოთხოვნასაც. ვაპირებ პასუხი მოვითხოვო, სად იყო ყველა ის ადამიანი, ვისაც რეაგირება ევალებოდა", - განაცხადა ეკა ბესელიამ.
