29 ოქტომბერს, 11:30 საათზე სასტუმროში „რუმს ჰოტელ თბილისი" ევროპის საბჭო გამართავს ახალი ორწლიანი პროექტის „არასრულწლოვან და ზრდასრულ თავისუფლებააღკვეთილ პირთა მხარდაჭერა" პრეზენტაციას.
ღონისძიებას დაესწრებიან შსს მინისტრის მოადგილე ნინო ჯავახაძე, სახელმწიფო ინსპექტორი ლონდა თოლორაია, სახალხო დამცველის მოადგილე თამარ გვარამაძე და ევროპის საბჭოს ოფისის ხელმძღვანელი საქართველოში კრისტიან ურსე.
