აშშ-ის წარმომადგენელთა პალატის დემოკრატიული უმცირესობის ლიდერმა ჰაკიმ ჯეფრისმა კონგრესის შუალედურ არჩევნებში დემოკრატების წარმატება შეაფასა და განაცხადა, რომ ამომრჩეველმა ცვლილებების აუცილებლობა მკაფიოდ გამოხატა. მისი თქმით, "დღეს ამერიკის დიდებული დაბრუნება იწყება".
„ამერიკელმა ხალხმა მკაფიოდ გამოხატა თავისი პოზიცია - მათ ყელში ამოუვიდათ ექსტრემიზმი და კორუფცია. მათ სურთ კონგრესი, რომელიც ამერიკელი ხალხის სასარგებლოდ კონკრეტულ შედეგებს მიაღწევს“,- განაცხადა ჯეფრისმა.
დემოკრატების მიერ წარმომადგენელთა პალატაში უმრავლესობის მოპოვების შემთხვევაში, ჯეფრისი სპიკერის თანამდებობას დაიკავებს. ამ პოსტზე არჩევის შემთხვევაში ის პალატის ისტორიაში პირველი შავკანიანი სპიკერი გახდება.
ჯეფრისმა მადლობა გადაუხადა სხვადასხვა პოლიტიკური შეხედულების მქონე კანდიდატებს, ასევე ორივე პარტიის ათასობით საარჩევნო მოხელესა და მოხალისეს, რომლებმაც არჩევნების შეუფერხებლად ჩატარება უზრუნველყვეს.
დემოკრატების მიერ წარმომადგენელთა პალატაში უმრავლესობის მოპოვების შემდეგ, ჯეფრისი წარმომადგენელთა პალატის სპიკერის თანამდებობის დაკავების სავარაუდო კანდიდატად განიხილება. აშშ-ის ისტორიაში წარმომადგენელთა პალატის პირველი შავკანიანი სპიკერი გახდება.
