დევნილთა უფლებების დაცვის საკითხებში ვოლტერ კელინის განცხადებით, "კონფლიქტის ყველა მხარემ უნდა იზრუნოს იმისთვის, რომ დაზარალებულთა უფლებები დაცული და მათი ცხოვრების პირობები კი გაუმჯობესებული იყოს".
ამის შესახებ კელინიმ ცხინვალში ვიზიტის დასრულების შემდეგ განაცხადა.
აღნიშნულ კონტექსტში, გაერო-ს გენერალური მდივნის თანაშემწემ ვითარების გაუმჯობესებისთვის კონფლიქტის მხარეებს მეტი პრაგმატიზმისა და ნაკლები პოლიტიზირებულობისკენ მოუწოდა.
"სეპარატისტულ რესპუბლიკაში ადამიანების ნაწილი, რომელთა სახლები ომის დროს დაინგრა, ჯერ კიდევ თავშესაფრის გარეშე ცხოვრობს. აღდგენითი სამუშაოები კი ძალიან ნელა მიმდინარეობს. იმედია ჟენევის მოლაპარაკებებზე მხარეები ადგილობრივი მოსახლეობისა და ომის დროს დროს დაზარალებულთა უფლებებზე იმსჯელებენ და გარკვეულ შეთანხმებას მიაღწევენ", - განაცხადა მან.
