თიბისი ბანკის დამფუძნებელი მამუკა ხაზარაძე საქართველოს ეროვნული ბანკის მუქარაზე საუბრობს. როგორც მამუკა ხაზარაძემ პარლამენტში, საკომიტეტო მოსმენაზე განაცხადა, "სებ-ი პრაქტიკულად გვაშანტაჟებდა მე და ბადრის".
"ისინი მოვიდნენ და გვითხრეს, რომ ჩვენ გამოგვიგზავნეს წერილი, გამოუგზავნეს დამოუკიდებელ დირექტორებს. 7 წევრი ჰყავს თიბისის სამეთვალყურეო საბჭოს და 9 წევრი ჰყავს ლონდონის ბირჟაზე. აქედან 5 წევრი, რომელიც საქართველოშია, არის ლონდონის ბირჟის მიერ არჩეული დამოუკიდებელი დირექტორები, რომლებსაც არანაირი კავშირი „თიბისი ბანკთან“ არ აქვთ; ერთადერთი კავშირი აქვთ დამოუკიდებლობასთან - ესენი არიან უცხოელები; მე და ბადრის გვაქვს 2 ხმა, შესაბამისად, 2 ხმით არანაირი გადწაყვეტილების მიღება მე და ბადრის არ გვაქვს", აღნიშნა ხაზარაძემ.
