ბი-პი აზერბაიჯანში საკუთარ აქტივებს არ ყიდის. ბი-პი აზერბაიჯანის ხელმძღვანელმა რაშიდ ჯავანშირიმ უარყო ინფორმაცია კომპანიის აზერბაიჯანული აქტივების შესაძლოს გაყიდვის შესახებ.
მისი განმარტებით, ბი-პის არც უფიქრია, არც ახლა ფიქრობს და არც სამომავლოდ აპირებს აზერბაიჯანში თავისი აქტივები დათმოს.
შეგახსენებთ, რომ "გაზპრომმა" აზერბაიჯანში "ბრიტიშ პეტროლიუმის" აქტივების შეძენის სურვილი ოფიციალურად გამოხატა. კონცერნის ხელმძღვანელის ალექსეი მილერის თქმით, "გაზპრომი" სიამოვნებით შეიძენდა ბი-პის აქტივებს, თუ კომპანია მის გაყიდვას გადაწყვეტს.
"ბი-პი" ერთადერთი კომპანიაა პოტსაბჭოთა სივრცეში, რომელიც კასპიური ნავთობით ტრანსპორტირებას ეწევა ბაქოდან, საქართველოს გავლით თურქეთის პორტ ჯეიჰანამდე. ყოველწლიურად ამ ნავთობსადენით 35 მლნ ტონა ნავთობი გადის, რაც მსოფლიო მოპოვების 1 %-ს წარმოადგენს. რუსული მხარე მრავალი წელია ბაქო-თბილისი-ჯეიჰანის ნავთობსადენის მშენებლობის შეჩერებას ცდილობდა.
შეგახსენებთ, რომ რუსეთის მთავრობის თავმჯდომარის მოადგილის იგორ სეჩინის განცხადებით, რუსეთი მზადაა მხარი დაუჭიროს რუსულ კომპანიებს ბი-პის აქტივების შეძენაში, რომელიც მექსიკის ყურეში ტექნილოგიური კატარსტოფის შემდეგ მძიმე მდგომარეობაში აღმოჩნდა.