დღეს, 13 სექტემბერს, სასტუმრო "რედისონში". საკონსტიტუციო ცვლილებების საზოგადოებრივი განხილვის კომისიის შემაჯამებელი სხდომა გაიმართება.
შემაჯამებელ სხდომაზე გაირკვევა, რა ცვლილებები შევა საკონსტიტუციო ცვლილებების პროექტში პარლამენტში განხილვების დაწყებამდე. შემაჯამებელ სხდომაზე გაირკვევა ოპოზიციის რა მოთხოვნები იქნება გათვალისწინებული.
პარლამენტის თავმჯდომარის დავით ბაქრაძის თქმით, მათ მოისმინეს ოპოზიციის შენიშვნები და მიიჩნევს, რომ გარკვეული მათგანი არის არგუმენტირებული. შესაბამისად იმედოვნებს, რომ აღნიშნული შენიშვნები გათვალისწინებული იქნება. ასეთ შენიშვნად დაასახელა კერძო საკუთრებასთან დაკავშირებული საკითხები. ასევე მთავრობის ანგარიშვალდებულების გაძლიერების საკითხი პარლამენტთან მიმართებაში.
რაც შეეხება ერთ-ერთ მთავარ საკითხს კონსტიტუციაში ორგანული კანონის ცნების დაბრუნებასთან დაკავშირებით ბაქრაძე აცხადებს, რომ მისთვის ოპოზიციის არგუმენტები მისაღები და გასაგებია, თუმცა იმასაც აღნიშნავს, რომ "აღნიშნულ საკითხზე გადაწყვეტილება შემაჯამებელ სხდომაზე იქნება მიღებული" და ახლა კონკრეტულად იმის თქმა, იქნება თუ არა გათვალისწეინებული შეუძლებელია.
შემაჯამებელი სხდომის შემდეგ, საკონსტიტუციო ცვლილებების პროექტის განხილვს პარლამენტი დაიწყებს.
