აჭარის მთავრობამ კომპანია „დარ ბილდინგი“ 47 920 დოლარის ჯარიმისგან გაათავისუფლა.
კომპანია ბათუმში მრავალფუნქციურ კომპლექსს DAR TOWER აშენებს, რომლის ფასადის დასრულება დაგეგმილ ვადაში (დაწყებიდან 40 თვე) ვერ შეძლო. მიზეზად მენეჯმენტმა სამუშაოების სირთულე დაასახელა და აჭარის მთავრობას ნასყიდობის პირობების შეცვლა სთხოვა.
ახალი პირობით, „დარ ბილდინგმა“ 12 მაისამდე უნდა დაასრულოს კომპლექსის ფასადის სამუშაოები. თუმცა დარჩა ძველი პირობაც, რომ შენობის ექსპლუატაციაში მიღება 2019 წლის 12 ივნისამდე მოხდება, ნაცვლად 1 თვით გადავადებისა.
„დარ ბილდინგმა“ ბათუმში, ტ. აბუსერიძის ქ N15/ ფიროსმანის ქ N 5-ში მდებარე 2935 კვ.მ მიწის ნაკვეთი აუქციონზე 463 000 აშშ დოლარად (ექვივალენტი ლარში) 2015 წელს შეიძინა და ადგილზე მრავალფუნქციური კომპლექსის აშენების ვალდებულებაც აიღო. პროექტში არანაკლებ 7 მლნ დოლარის ინვესტიცია უნდა ჩაიდოს.
„დარ ბილდინგში“ აღნიშნავენ, რომ DAR TOWER მათი ერთ-ერთი გამორჩეული არქიტექტურის და მასშტაბური პროექტია.
კომპლექსი მოიცავს: 300 ნომრიან სასტუმროს, კაზინოს, რესტორანს, კლუბს, ყავის სახლს, ლუდის ბარს, ბოულიგ დარბაზს, ფიტნეს ცენტრს, სპას, საბავშვო ბაღს, დასასვენებელ ტერასებს, გასართობ დაწესებულებებს, ბავშვთა სათამაშო მოედნებს, ღია აუზს
კომპლექსი ორი სხვადასხვა არქიტექტურული ფორმის შენობისგან შედგება. 22 სართულიანი შენობის 1 და მე-2 სართულები კომერციულია, მესამე-მეოთხე სართულზე 101 ნომრიანი სასტუმრო განთავსდება. საცხოვრებელი ბინები კი მე-5-ე სართულიდან იწყება.
მეორე, 35 სართულიანი სახლის პირველი 4 სართული კომერციულ ფართობებს დაეთმობა. მეხუთე სართულიდან იწყება სასტუმრო ტიპის საცხოვრებელი სახლები,
კომპლექსი ბათუმის ყველაზე განთარებად ზოლში, ახალ ბულვართან, იუსტიციის სახლთან და მოცეკვავე შადრევანთან შენდება.
