პარლამენტის თავმჯდომარე მოკლებულია უფლებას, შეუერთდეს არასამთავრობო ორგანიზაციების პოლიტიკურ მოთხოვნას, თანამდებობა დატოვოს იუსტიციის უმაღლესი საბჭოს 11-მა წევრმა,- განაცხადა პარლამენტის თამჯდომარემ, ირაკლი კობახიძემ სასამართლო რეფორმის სამუშაო ჯგუფის შეხვედრის დასრულების შემდეგ განაცხადა.
შეხვედრაზე უზენაესი სასამართლოს მოსამართლეობის კანდიდატების დასახელების პროცედურასა და კრიტერიუმებზე იმსჯელეს. როგორც ირაკლი კობახიძემ ჟურნალისტებთან საუბრისას აღნიშნა, დღევანდელი შეხვედრის მიზანი პრინციპების განხილვა იყო. მისივე თქმით, საუბარი იყო პრინციპული მნიშვნელობის ყველა დეტალზე.
„ სასამართლო ხელისუფლება არის დამოუკიდებელი. შესაბამისად, პარლამენტის თავმჯდომარე მოკლებულია ყოველგვარ უფლებას, რომ შეურთდეს პოლიტიკურ მოთხოვნას, რომც იზიარებდეს თეორიულად. არ გვაქვს არანაირი უფლება და შესაძლებლობა, რომ შევუერთდე ასეთ პოლიტიკურ მოთხოვნას, რომელიც არის წარმოდგენილი ორგანიზაციების მხრიდან”, - განაცხადა პარლამენტის თავმჯდომარემ და კიდევ ერთხელ აღნიშნა, რომ „ სასამართლო არის დამოუკიდებელი. ჩვენი ვალია გავუფრთხილდეთ სასამართლოს დამოუკიდებლობას და ვმუშაობთ ამ პრინციპის შესაბამისად”.
