2019 წლის აჭარის მთავრობის პირველი გასვლითი სხდომა კურორტ გომარდულზე გაიმართა. სხდომაზე მთავრობის თავმჯდომარემ და მინისტრმა კაბინეტის წევრებმა დღის წესრიგით გათვალიწინებული 18 საკითხი განიხილეს.
თორნიკე რიჟვაძემ აღნიშნა, რომ კურორტ გომარდულს მოეხსნა ყადაღა და ინვესტორებს შეუძლიათ, დაუბრკოლებლად გააგრძელონ საქმიანობა. აჭარის ფინანსთა და ეკონომიკის სამინისტრომ კურორტის განვითარების გრძელვადიანი ხედვა მოამზადა, რომლის მიზანია გომარდული აქციოს ტურისტებისთვის მიმზიდველად ოთხივე სეზონის განმავლობაში.
მთავრობის სხდომაზე აჭარის ფინანსთა და ეკონომიკის მინისტრმა ჯაბა ფუტკარაძემ აჭარის მთავრობის მიერ საინვესტიციო საქმიანობის ხელშესაწყობის მიზნით, რამდენიმე კომპანიისთვის ნასყიდობის ხელშეკრულებაში ცვლილებების განხორციელების საკითხი წარადგინა.
მთავრობის თავმჯდომარემ რეგიონის განვითარების მიმართულებით ახალგაზრდების როლზე ისაუბრა. სამინისტროებსა და საჯარო დაწესებულებებს მთავრობის მიერ დაგეგმილ პროექტებში ახალგაზრდების მაქსიმალური ჩართვის რეკომენდაცია მიეცათ.
სხდომაზე 2018 წლის ციტრუსის სეზონი შეჯამდა. აღსანიშნავია, რომ ბოლო ათწლეულის განმავლობაში რეკორდული რაოდენობის ციტრუსის ექპსორტი განხორციელდა და წინა წელთან შედარებით დაახლოებით 12 %-ით გაიზარდა. გადამუშავდა სამრეწველო ციტრუსი და ის კონცენტრატის სახით ისრაელის, უკრაინის, იაპონიის და ევროპის სხვადასხვა ქვეყნის ბაზარზე გავა.
აჭარაში, საქართველოს სხვა რეგიონების მსგავსად სოფლის მხარდაჭერის პროგრამა ხორციელდებ, რომლკისთვისაც სულ გამოიყო 20 მლნ ლარი, ხოლო აჭარაში ამ მიმართულებით 2 მლნ ლარი დაიხარჯება. 5000 -10000 ლარამდე თანხა დასახლების ზომის მიხედვით გადანაწილდება და სოფლის მოსახლეობის უშუალო ჩართულობით, მათივე გადაწყვეტილებით ინფრასტრუქტურულ პროექტებს მოხმარდება. პროექტში აჭარიდან 300-ზე მეტი სოფელია ჩართული.
სხდომაზე ცვლილება შევიდა მთავრობის დადგენილებაში, რომლის თანახმადაც რეგიონის ტერიტორიაზე არსებულ მუნიციპალიტეტებში, არსებული პროექტების ფონდიდან თანხის გამოყოფაზე პრიორიტეტების კომისია იმსჯელებს და შესაბამის რეკომენდაციებს მოამზადებს.
