ფინეთი ყოველთვის მხარს უჭერდა და უჭერს საქართველოს ტერიტორიულ მთლიანობასა და სუვერენიტეტს, _ ამის შესახებ ფინეთის საგარეო საქმეთა მინისტრმა ალექსანდრ სტუბმა საგარეო საქმეთა მინისტრ გრიგოლ ვაშაძესთან შეხვედრის დასრულების შემდეგ გამართულ ერთობლივ პრესკონფერენციაზე განაცხადა.
"2008 წლის აგვისტოში ომის დაწყებიდან ორ დღეში, 10 აგვისტოს საქართველოში ჩამოვედი. მე და ჩემი ფრანგი კოლეგა, ბერნარ კუშნერი ვცდილებდით ეს ომი შეგვეჩერებინა. ამის გამო თბილისში, გორში და მოსკოვში რამდენჯერმე ჩამოვედით. მაშინ ახლადდანიშნული მინისტრი ვიყავი და მას შემდეგ დიდი გამოცდილება შევიძინე", - განაცხადა სტუბმა.
