საპრეზიდენტო კანდიდატმა სალომე ზურაბიშვილმა დამწვრობის ცენტრში ფონიჭალაში აფეთქების შედეგად დაშავებულები მოინახულა. სალომე ზურაბიშვილს ჟურნალისტებმა არჩევნების თარიღთან დაკავშირებით შეკითხვა დაუსვეს, რაზეც ზურაბიშვილმა უპასუხა, რომ ის დამწვრობის ცენტრში პოლიტიკური განცხადებების გასაკეთებლად არ მისულა.
„დღეს ვარ მოსული როგორც ადამიანი, როგორც ქალი, როგორც დედა. აქ ვარ მოსული როგორც ადამიანი და არა როგორც პოლიტიკოსი. არ მოვსულვარ პოლიტიკური კითხვებისთვის”, – განაცხადა სალომე ზურაბიშვილმა.
თბილისში, ზემო ფონიჭალაში აფეთქება საცხოვრებელ კორპუსში დღეს, 15 ნოემბერს მოხდა. საცხოვრებელ კორპუსში, მესამე სართულზე მოხდა ბუნებრივი აირის გაჟონვა, რამაც გამოიწვია აფეთქება. მესამე სართულიდან სამშენებლო ფილა ჩამოვარდა მეორე სართულზე. მესამე სართულზე იმყოფებოდა ოჯახი - დედა-შვილი, ასევე, მამა, რომლებიც ამ ფილასთან ერთად ჩამოვარდნენ მეორე სართულზე. ისინი გადაყვანილი არიან საავადმყოფოში.
სულ საავადმყოფოში გადაყვანილია 4 მოქალაქე. რომელთა სიცოცხლეს ამ ეტაპზე საფრთხე არ ემუქრება.
გამოძება სისხლის სამართლის კოდექსისი 240-ე პრიმა მუხლის მე-2 ნაწილით დაიწყო. ასევე, გრძელდება ძებნის სამუშაოებიც. მოგეხსენებათ, ადგილზე იმყოფებიან სამაშველო სამსახურის თანამშრომლები, იქნება მობილიზებული რშესაბამისი ტექნიკა, რითიც მოხდება ამ ფილის აწევა“, - განაცხადა თეიმურაზ კუპატაძემ.
