თუ გრიგოლ ვაშაძე გახდება პრეზიდენტი, სამოქალაქო ომი დაიწყება, - ამის შესახებ საპარლამენტო უმრავლესობის წევრმა გედევან ფოფხაძემ არჩევნების მეორე ტურთან დაკავშირებით განაცხადა.
მისი თქმით, არსებობს რევანშისტული განწყობები.
მისივე განცხადებით, "ნაციონალური მოძრაობა" გამარჯვების შემთხვევაში მიხეილ სააკაშვილის საქართველოში დაბრუნებას და ვანო მერაბიშვილის და ბაჩო ახალაიას ციხიდან გამოშვებას გეგმავს. მისივე თქმით, ეს ყველაფერი მიმართული იქნება იმ პოლიტიკური ოპონენტების ლიკვიდაციისკენ, რომლებიც სააკაშვილისთვის პრობლემას წარმოადგენენ.
