ჩემთვის ყველაზე ემოციური იყო იმის დანახვა, რომ იყო შემთხვევები ამომრჩევლის მოსყიდვის, - ამის შესახებ პრეზიდენტმა გიორგი მარგველაშვილმა საპრეზიდენტო არჩევნებზე დაფიქსირებულ დარღვევებთან დაკავშირებით განაცხადა.
მისი თქმით, ხმა - ეს არის ყველაზე წმინდა და ყველაზე ძლიერი, რაც ამომრჩეველს აქვს. მისივე თქმით, ამ ხმის გაყიდვა მძიმეა.
„ჩვენ უნდა ვიცოდეთ რასთან გვაქვს საქმე, როდესაც ამომრჩეველი თავისი ხმით განაპირობებს ხელისუფლების ფორმირებას. ეს არის ყველაზე წმინდა და ყველაზე ძლიერი, რაც ამომრჩეველს აქვს. ამ ხმის გაყიდვა მძიმეა, იქიდანაც გამომდინარე, რომ კიდევ ერთხელ ვხედავ როგორ უჭირს მოსახლეობას, რა მძიმე ეკონომიკური ფონია. რა მძიმე ვითარებაში არიან ჩვენი მოქალაქეები, რომ ყველა წმინდა სამოქალაქო მანდატს ცვლიან“, - განაცხადა მარგველაშვილმა, რომელმაც აქვე აღნიშნა, რომ ამ არჩევნებში პოზიტივს რასაც ხედავდა, იყო კონკურენტულობა, აქედან გამომდინარე, ის მეორე ტურს ელოდა.
