მინდა, მას მივულოცო ეს გამარჯვება, თუმცა რა თქმა უნდა, ჩვენ უნდა დაველოდოთ ცესკო-ს მონაცემებს, - ამის შესახებ თბილისის მერმა კახა კალაძემ ეგზიტპოლების გამოქვეყნების შემდეგ განაცხადა.
მან მადლობა გადაუხადა ყველა ადამიანს, ვინც არჩევნებში იყო ჩართული.
„წინასწარ მონაცემებს რაც შეეხება, ეგზიტპოლი, რომელიც ჩვენი მხრიდან იქნა წარმოდგენილი, 19:00 საათის მონაცემებით, დიდი უპირატესობით ლიდერობს სალომე ზურაბიშვილი. მინდა, მას მივულოცო ეს გამარჯვება, თუმცა რა თქმა უნდა, ჩვენ უნდა დაველოდოთ ცესკო-ს მონაცემებს. მიმდინარეობს დათვლის პროცედურები, 20:00 საათზე დაიხურა ყველა საარჩევნო უბანი და როდესაც გვექნება უკვე დათვლის შედეგად მიღებული ციფრები, რა თქმა უნდა, ცესკო ამას ოფიციალურად გამოაცხადებს. კიდევ ერთხელ ძალიან დიდი მადლობა ყველა იმ ადამიანს, ვინც ამ არჩევნებში იყო ჩართული და ვულოცავ სალომე ზურაბიშვილს დამაჯერებელ გამარჯვებას“, - განაცხადა კახა კალაძემ.
ცნობისთვის, "ქართული ოცნების" ეგზიტპოლებით, სალომე ზურაბიშვილი პირველივე ტურში იმარჯვებს.
