1-იდან 3 სექტემბრამდე საქართველოს კონტროლის პალატის დელეგაცია ლევან ბეჟაშვილის ხელმძღვანელობით უმაღლესი აუდიტორული ორგანოს მენეჯმენტის თანამედროვე გამოცდილების გაზიარების მიზნით სტუმრად ეწვევა შვედეთის სახელმწიფო აუდიტორულ ოფისს (SNAO).
აღნიშნულ საკითხთან დაკავშირებით, შვედეთის სახელმწიფო აუდიტორულ ოფისში გაიმართება პრეზენტაციები თემაზე: "უმაღლესი აუდიტორული ორგანოს მენეჯმენტი". მას SNAO-ს გენერალური აუდიტორი ჟან ლანდალი და თანამდებობის სხვა პირები წარუძღვებიან.
აღნიშნული ღონისძიება კონტროლის პალატასა და შვედეთის სახელმწიფო აუდიტორული ოფისს შორის 2010 წლის 23 მარტს გაფორმებული თანამშრომლობის მემორანდუმის ფარგლებში ტარდება.
შეგახსენებთ, რომ აღნიშნული მემორანდუმი ითვალისწინებს საქართველოს კონტროლის პალატის დახმარებას, განახორციელოს კანონმდებლობით განსაზღვრული მანდატის შესაბამისი საქმიანობა და შეასრულოს ეფექტიანი როლი საქართველოს საჯარო მმართველობის სფეროში.