საქართველოს ეროვნული ბანკის მონაცემებით, ივლისი, ისევე როგორც წინა თვე, საბანკო სექტორმა მოგებით დაასრულა. მოგებამ თვის შედეგებით 22.3 მლნ ლარი, ხოლო წლის დასაწყისიდან 59.6 მლნ ლარი შეადგინა.
ხუთი უმსხვილესი აქტივების მქონე ბანკის წილი საბანკო სექტორის მთლიან აქტივებში წინა თვესთან შედარებით 1.0 პროცენტული პუნქტით გაიზარდა და 79.6 პროცენტს მიაღწია.
ცნობისთვის, 2010 წლის 1-ლი აგვისტოს მდგომარეობით, საქართველოს საბანკო სექტორი 19 კომერციული ბანკითაა წარმოდგენილი; მათ შორის 14 - საწესდებო კაპიტალში უცხოური კაპიტალის მონაწილეობით და 2 - უცხოური ბანკის ფილიალით.