ავტოსაგზაო შემთხვევა მოხდა ფასანაურის მიმდიებარედ, სოფელ ხამუშასთან. ერთმანეთს მსუბუქი და სატვირთო ავტომობილები შეეჯახნენ. შეჯახების შედეგად ერთი ადამიანი გარდაიცვალა.
არსებული ინფორმაციით, მსუბუქ ავტომობილში სომხეთის მოქალაქეები იმყოფებოდნენ. მათგან ერთ-ერთი, ადგილზე გარდაიცვალა, მეორე კი დაშავდა.
შსს-მ მომხდართან დაკავშირებით გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის სიცოცხლის მოსპობა.
