საგარეო საქმეთა მინისტრმა, დავით ზალკალიანმა გაცნობითი ხასიათის შეხვედრა გამართა საქართველოში მიგრაციის საერთაშორისო ორგანიზაციის წარმომადგენლობის ხელმძღვანელთან, სანია სელებიჩ- ლუკოვაცისთან.
შეხვედრის ფარგლებში მხარეებმა განიხილეს მიმდინარე და სამომავლოდ დაგეგმილი თანამშრომლობის საკითხები. აღინიშნა მიგრაციის საერთაშორისო ორგანიზაციის ჩართულობის მნიშვნელობა ისეთ მიმართულებებზე, როგორიცაა შრომითი მიგრაცია, საკონსულო საქმისწარმოება და დიასპორასთან ურთიერთობა.
შეხვედრის დასასრულს, მხარეებმა მადლობა გადაუხადეს ერთმანეთს აქტიური და ნაყოფიერი ჩართულობისთვის და შეთანხმდნენ, რომ აღნიშნულ თანამშრომლობას კიდევ უფრო გააღრმავებენ.
