ზაფხულის სეზონზე საქართველოს 3 მილიონზე მეტი საერთაშორისო მოგზაური და 1 700 000 უცხოელი ტურისტი სტუმრობდა.

2018 წლის ივნისი-აგვისტოს სტატისტიკა საქართველოში ტურიზმის ეროვნულმა სააგენტომ წარადგინა. სააგენტო ვიზიტების რაოდენობის (2,492,924) 11.5%-იან და ტურისტული ვიზიტების 15.8% -იან ზრდაზე აცხადებს.

აღსანიშნავია, რომ ტურიზმი, ეკონომიკის მნიშვნელოვან  სექტორად ყალიბდება. ამ წლის 6 თვის მონაცემებით, შემოსავალი უცხოური ტურიზმიდან საქართველოში შეადგენს 1,361 მლრდ დოლარს (ზრდა +28.9%), რაც 305 მილიონით მეტია წინა წლის ანალოგიურ მაჩვენებელზე.

აღსანიშნავია, რომ 2017 წლის ჯამური მონაცემებით შემოსავალი უცხოური ტურიზმიდან საქართველოში შეადგენდა 2.7 მილიარდ  დოლარს (ზრდა +28.1%), რაც  594 მილიონი დოლარით მეტია წინა წლის ანალოგიურ მაჩვენებელზე.

ტურიზმის ეროვნული ადმინისტრაციის პროგნოზით, წლის ბოლომდე საქართველოს სავარაუდოდ 8,5 მილიონ საერთაშორისო მოგზაური ეწვევა, საერთაშორისო ტურიზმიდან შემოსავლები კი სავარაუდოდ  3 მილიარდ აშშ დოლარს გადააჭარბებს.