საგანგებო სიტუაციების მართვის სამსახური შავი ზღვის სანაპიროზე მოსალოდნელი შტორმის შესახებ დამსვენებლებს აფრთხილებთ.
უწყების ინფორმაციით, დღეს, 4 აგვისტოს, ზღვაზე მოსალოდნელია 3-4-ბალიანი შტორმი, რის გამოც ბანაობა აკრძალულია.
"შავი ზღვის სანაპიროზე, ყველა სამაშველო კოშკურაზე აღმართულია წითელი ალამი. ყურადღება მიაქციეთ ამკრძალავ ნიშნებს. კოშკურებზე თეთრი ალმის აღმართვის შემთხვევაში ზღვაში შესვლა ნებადართული იქნება. აკრძალვა მოქმედებს 5 აგვისტოს 10:00 საათამდე. გთხოვთ, დაიცვათ უსაფრთხოების წესები", - ნათქვამია უწყების განცხადებაში.
