კინტრიშის ხეობის ტურისტულ შესაძლებლობებს აჭარაში მოქმედი გიდები და ტურისტული სააგენტოების წარმომადგენლები გაეცნენ. ისინი ხეობას აჭარის ტურიზმის დეპარტამენტის ტურისტული პროდუქტების განვითარების სააგენტოს ორგანიზებით სტუმრობდნენ.
ინფოტურის მონაწილეებმა ხეობაში არსებული ისტორიული თაღოვანი ხიდები, ჩანჩქერები, ულამაზეს ბუნებაში არსებული მონასტრები და ქვევრები დაათვალიერეს. ისინი ასევე, დაესწრნენ ხეობაში სეზონის გახსნასთან დაკავშირებით გამართულ ღონისძიებას, სადაც სტუმრებისთვის კულინარიული და ეთნოგრაფიული გამოფენები მოეწყო, გაიმართა სპორტული შეჯიბრებები, მუსიკალური პერფორმანსები ეთნო ჯაზ-ბენდ „სტუმრების“ მონაწილეობით და ტურისტებისთვის საინტერესო სხვადასხვა აქტივობა.
