ჩრდილოეთ კორეა და რუსეთი შეთანხმდნენ, რომ 2018 წელს გამართავდნენ შეხვედრას უმაღლეს დონეზე. ამის შესახებ განცხადება 1 ივნისს კორეის ცენტრალურმა საინფორმაციო სააგენტომ გააკეთა.
გამოცემის თანახმად, შესაბამისი შეთანხმება მიღწეულ იქნა ჩრდილოეთ კორეის ლიდერის კიმ ჩენ ინისა და რუსეთის საგარეო საქმეთა მინისტრის სერგეი ლავროვის შეხვედრიოს დროს, რომელიც ფხენიანში გაიმართა.
უმაღლეს დონეზე სამიტი გაიმართება სტრატეგიული და ტრადიციული ორმხრივი ურთიერთობების გაღრმავების მიზნით, სახელმწიფოთა შორის დიპლომატიური ურთიერთობების დამყარების 70 წლისთავთან დაკავშირებით.
შეგახსენებთ, რომ 31 მაისს რუსეთის საგარეო საქმეთა მინისტრი სერგეი ლავროვი ჩაფრინდა ფხენიანში, ჩრდილოეთ კორეის ლიდერ კიმ ჩენ ინთან შესახვედრად, სადაც მან გამოთქვა სურვილი რეგიონში პოლიტიკური საკითხების დარეგულირების თაობაზე.
