მინდა, ეს ბრძოლა ჩვენ მოვიგოთ, - ამის შესახებ ხორავას ქუჩაზე მოკლული დავით სარალიძის დამ მარიამ სარალიძემ მთავარ პროკურატურასთან განაცხადა.
მან საზოგადოებას მხარდაჭერისთვის მადლობა გადაუხადა.
„6 თვეა, ჩვენი ოჯახი, მთელი საქართველო იბრძვის უსამართლობის წინააღმდეგ. მინდა, ეს ბრძოლა ჩვენ მოვიგოთ და არ მივცეთ უფლება, პროკურატურამ გაიმარჯვოს“,- განაცხადა 14 წლის მარიამ სარალიძემ.
ცნობისთვის, ხორავას ქუჩაზე მომხდარი მკვლელობის საქმეზე მოსამართლემ გადაწყვეტილება დღეს გამოიტანა.
არასრულწლოვანი ბრალდებული გ.ბ. სარალიძის ჯგუფურ მკვლელობაში გამართლდა, მაგრამ დამნაშავედ იქნა ცნობილი დადუნაშვილის განზრახ მკვლელობაში. არასრულწლოვანი გ.ჯ. გამართლდა დავით სარალიძის განზრახ მკვლელობაში, მაგრამ დამნაშავედ ცნეს დავით სარალიძის მკვლელობის მცდელობისთვის.
