ოპოზიციონერი რუსი ჟურნალისტის არკადი ბაბჩენკოს ინსცენირებულ მკვლელობასთან დაკავშირებით, უკრაინის ხელისუფლებამ ცოტა გადააჭარბა. განაცხადა ევროპის უსაფრთხოებისა და თანამშრომლობის ორგანიზაციის ყოფილმა პრეს მდივანმა მაიკლ ბოსიერკიმ ამერიკულ ანალიტიკურ ცენტრ „The Atlantic Council“-თან მიცემულ ინტერვიუში.
"ახსნას არ აქვს მნიშვნელობა, ყველაფერი შეიძლებოდა სხვაგვარადაც მომხდარიყო. ისინი ზღვარს გაცდნენ: სცენარმა შეცდომაში შეიყვანა არა მხოლოდ საზოგადოება არამედ ჟურნალისტებიც და კოლეგებიც“ - აღნიშნავს ის.
შეგახსენებთ, რომ გუშინ გავრცელდა ინფორმაცია ოპოზიციონერი ჟურნალისტის არკადი ბაბჩენკოს მოკვლის შესახებ, თუმცა მოგვიანებით აღმოჩნდა რომ უკრაინის ხელისუფლებას ჰქონდა წინასწარი ინფორმაცია მისი ლიკვიდაციის შესახებ და იძულებული იყო ჩაეტარებინა სპეცოპერაცია დამნაშავის გამოსავლენად. არკადი ბაბჩენკო ოპერაციის დასრულებისთანავე გამოვიდა ჟურნალისტებთან კომენტარის გასაკეთებლად და ბოდიში მოუხადა ყველას და აღნიშნა, რომ მას სხვა გამოსავალი არ ჰქოდნა.
