აშშ-მა ჩინეთის ზოგიერთ საქონელზე 25 პროცენტიანი გადასახადის დაწესების შესახებ განაცხადა, რომელსაც ამერიკული ბაზარი დაადგენს.
თეთრ სახლში განაცხადეს, რომ დააწესებდნენ გადასახადებს საქონელზე, ინდუსტრიული მნიშვნელობის ტექნოლოგიებზე, რომელთა ღირებულება შეადგენს 50 მილიარდ დოლარს. სასაქონლე სიის საბოლოო ვერსიას ამერიკის ხელისუფლება 15 ივნისამდე გამოაქვეყნებს.
გარდა ამისა, აშშ შემოიღებს საინვესტიციო შეზღუდვებს და გაამკაცრებს ექსპორტის კონტროლს ჩინეთის ფიზიკური და იურიდიული პირების მიმართ.
მანამდე ცნობილი გახდა, რომ აშშ-ს ხელისუფლება განიხილავს ავტომობილების იმპორტზე გადასახადების შემოღების საკითხს. მათი ზომა შესაძლოა 25 პროცენტამდე ავიდეს. მარტში თეთრმა სახლმა შემოიღო გადასახადები ფოლადზე (25%) და ალუმინზე (10%). ხოლო, კანადისთვის, მექსიკისა და ევროკავშირის ქვეყნებისთვის ეს ზომები ძალაში 1 ივნისიდან შევა.
