საქართველოს პრეზიდენტი გიორგი მარგველაშვილი საპარლამენტთაშორისო კავშირის გენერალურ მდივანს მარტინ ჩუნგონგს შეხვდა.
სასახლეში გამართულ შეხვედრაზე საუბარი შეეხო საქართველოს გეოპოლიტიკურ როლს, ქვეყნის დემოკრატიულ განვითარებას, საქართველოს სამომავლო გეგმებს ევროკავშირისა და ნატო-ში გაწევრიანებასთან დაკავშირებით.
საქართველოს პრეზიდენტმა დეტალური ინფორმაცია მიაწოდა სტუმარს რუსეთის აგრესიულ ქმედებებთან, ოკუპირებულ ტერიტორიებზე შექმნილ ვითარებასთან და ოკუპირებული ტერიტორიების არაღიარების პოლიტიკასთან დაკავშირებით.
