მაქვს კითხვები კლუბებში სპეცოპერაციის ამ ფორმით ჩატარების საჭიროებასთან დაკავშირებით, - ამის შესახებ საქართველოს სახალხო დამცველმა ნინო ლომჯარიამ განაცხადა.
მისი თქმით, ის აპირებს მოინახულოს ყველა ის ადგილი, სადაც სპეცოპერაცია ჩატარდა.
“ამ ეტაპზე მე მხოლოდ ის ინფორმაცია მაქვს, რაც ვრცელდება მედიაში. მე ვაპირებ, რომ პირადად ვნახო ის ადგილები, სადაც მოხდა სპეცოპერაცია, მაქვს კონტაქტი შსს-თან, ვაპირებ, რომ შეხვედრის შემდეგ მივიდე და გავესაუბრო მათ, დამატებითი ინფორმაციის მოწოდების თაობაზე”, – განაცხადა ნინო ლომჯარიამ, რომელმაც აქვე აღნიშნა, რომ მას კითხვები აქვს იმასთან დაკავშირებით, თუ რატომ იყო სპეცოპერაციის ჩატარება კლუბებში ამ დროსა და ამ ფორმით აუცილებელი.
“ვისმენ პოლიციის მხრიდან მოპყრობასთან დაკავშირებით პრეტენციებს, რასაც აუცილებლად შევისწავლით. ამ ეტაპზე ვართ ფაქტების შესწავლის და გადამოწმების პროცესში”, – დასძინა ნინო ლომჯარიამ.