როდესაც პარლამენტთან ამდენი ახალგაზრდობა მოდის, ჩვენ ვალდებულები ვართ, აქ ვიყოთ. ე.ი. მათ აქვთ პრეტენზია პარლამენტისადმი, მთავრობისადმი, იმ ნარკოპოლიტიკისადმი, რომელი ქვეყანაში ტარდება, - ამის შესახებ „ნაციონალური მოძრაობის“ წევრმა რომან გოცირიძემ რუსთაველის გამზირზე, პარლამენტის შენობასთან განაცხადა, სადაც კლუბ „ბასიანსა“ და „გალერიში“ ჩატარებულ სპეცოპერაციებს აპროტესტებენ.
აქციის მონაწილეებმა რომან გოცირიძეს ტერიტორიის დატოვებისკენ მოუწოდეს.
ცოტა ხნის წინ, პარლამენტის შენობის წინ შეკრებილი დემონსტრანტები პოლიციის თანამშრომლებმა დააკავეს.
შეტაკებისას დაშავდა აქციის რამდენიმე მონაწილე.
ცნობისთვის, თბილისში, პარლამენტის შენობასთან აქცია დაიწყო.
აქციის მონაწილეები კლუბ "ბასიანსა" და კაფე "გალერიში" სპეცდანიშნულების რაზმის შესვლის აპროტესტებენ.
შეგახსენებთ, შსს-ს ინფორმაციით, კლუბებში საგამოძიებო მოქმედებები მიმდინარეობს.
მათივე ცნობით, „ბასიანსა“ და „გალერიში“ დაკავებულია ნარკოტიკული საშუალების გამსაღებელი 8 პირი.
კლუბებში „ბასიანსა“ და „გალერიში“ სამართლდამცველები რამდენიმე საათის წინ შევიდნენ.
არაოფიციალური ინფორმაციით, დაკავებულია 50-მდე ადამიანი.
