ეს საგიჟეთი არის პასუხი, თუ როგორ აპირებს მთავრობა ნარკოპოლიტიკის ლიბერალიზაციას, - ამის შესახებ "გირჩის" ლიდერმა ზურაბ ჯაფარიძემ კლუბებში მიმდინარე მოვლენებთან დაკავშირებით განაცხადა.
"არ ვიცი, ეს აზრი ვის მოუვიდა თავში. თითქმის ყველა კლუბში შევარდნენ და ხალხი დაარბიეს. ამდენი ხანია ლიბერალიზაციას გვპირდებიან და რეალურად დარბევა მივიღეთ. წარმოუდგენელი რამ ხდება, ყველგან არიან შევარდნილები და ხალხს იჭერენ უსამართლოდ. ეს საგიჟეთი არის პასუხი, თუ როგორ აპირებს მთავრობა ნარკოპოლიტიკის ლიბერალიზაციას", - განაცხადა ჯაფარიძემ.
ცნობისთვის, შსს-ს ინფორმაციით, კლუბებში საგამოძიებო მოქმედებები მიმდინარეობს.
მათივე ცნობით, „ბასიანსა“ და „გალერიში“ დაკავებულია ნარკოტიკული საშუალების გამსაღებელი 8 პირი.
კლუბებში „ბასიანსა“ და „გალერიში“ სამართლდამცველები რამდენიმე საათის წინ შევიდნენ.
არაოფიციალური ინფორმაციით, დაკავებულია 50-მდე ადამიანი.