ნარკოდანაშაულს ვერაფერი მოუხერხეს და ახლა განტევების ვაცს ეძებენ, ვინმეს უნდათ რომ შეახოცონ ხელი, - ამის შესახებ "ნაციონალური მოძრაობის" წევრი რომან გოცირიძე სოციალურ ქსელში წერს.
მან კლუბ "ბასიანს" სოლიდარობა გამოუცხადა.
"ბასიანს არბევენ, ერთ-ერთ საუკეთესო კლუბს ევროპაში.
ესაა კალაძის დანაპირები ”ღამის ცხოვრების” განვითარების შესახებ?
ნარკოდანაშაულს ვერაფერი მოუხერხეს და ახლა განტევების ვაცს ეძებენ, ვინმეს უნდათ რომ შეახოცონ ხელი.
ღამის ეკონომიკა კრიმინალის დამარცხებამ, უსაფრთხო გარემომ და ტურიზმის ბუმმა შექმნა და არა კალაძის ”ღამის სამინისტრომ”.
ნუ ანგრევთ იმას, რაც თქვენ არ შეგიქმნიათ!
ჩემი სოლიდარობა ბასიანს!", - წერს გოცირიძე.
ცნობისთვის, შსს-ს ინფორმაციით, კლუბებში საგამოძიებო მოქმედებები მიმდინარეობს.
კლუბებში „ბასიანსა“ და „გალერიში“ სამართლდამცველები რამდენიმე საათის წინ შევიდნენ.
სხვა დეტალები, ჯერჯერობით, უცნობია.
