საპარლამენტო უმრავლესობის ლიდერი, არჩილ თალაკვაძე, აცხადებს, რომ „პარტიაში არსებული მცირე გაუგებრობები ყრილობის მომენტიდან ამოწურულია“. ამის შესახებ მან განცხადება ყრილობის დასრულების შემდეგ გააკეთა და აღნიშნა, რომ „ამ მცირე გაუგებრობებზე“ კონსულტაციები მთელი თვის განმავლობაში მიმდინარეობდა, თუმცა, არ აკონკრეტებს, ეს „მცირე გაუგებრობა“ როგორ ამოიწურა. მისი თქმით, „გუნდში ყველა რჩება“.
„მან პოლიტიკაში დაბრუნების და პარტიის საქმიანობაში აქტიურად ჩართვის მთავარ მიზეზებად დაასახელა ეკონომიკური ამოცანები, რაც ქვეყნის წინაშე დგას და ის პოლიტიკური პროცესები, რომელიც ქვეყანაში მიმდონარეობს. განსაკუთრებით მან გააკეთა ოპოზიციურ სპექტრზე ზუსტი განცხადებები და შეეხო გუნდში არსებულ მცირე გაუგებრობებსაც და თქვა, რომ ეს მცირე გაუგებრობები უნდა ამოიწუროს. პარტიაში მთელი თვის განმავლობაში ამ მცირე გაუგებრობებზე კონსულტაციები მიმდინარეობდა და გაუგებრობები ყრილობის მომენტიდან ამოწურულია“, - განაცხადა თაალკვაძემ.