არანაირი ჰომოფობიური განცხადება ჩვენთან არ გაკეთებულა და ეს შემიძლია ვთქვა, – ამის შესახებ პარლამენტის ადამიანის უფლებათა დაცვის კომიტეტის თავმჯდომარე სოფო კილაძემ დღეს პარლამენტთან გამართულ აქციასთან დაკავშირებთ განაცხადა.
მისი თქმით, საქართველოში ყველა ადამიანი დაცულია კანონითა და კონსტიტუციით.
„ყველა ადამიანს აქვს უფლება, ჰქონდეს და გამოხატოს საკუთარი აზრი. ჩვენს ქვეყანაში ყველა ადამიანი დაცულია კანონით, კონსტიტუციით და ბუნებრივია, ჩვენი მოვალეობაა, დავიცვათ თითოეული ადამიანი.
არანაირი ჰომოფობიური განცხადება ჩვენთან არ გაკეთებულა და ეს შემიძლია ვთქვა.
დემონსტრაციის გამართვის უფლება აქვს ყველას, თუ ის კანონის ფარგლებში ჯდება და აქიდან გამომდინარე, ყველაფერი მიდის კანონის და წესის ფარგლებში“, – განაცხადა სოფო კილაძემ.
შეგახსენებთ, "ლგბტ უფლებები ადამიანის უფლებებია!" - ამ ლოზუნგით თბილისში პარლამენტის შენობასთან აქცია გაიმართა.
აქციის მონაწილეები პარლამენტის ადამიანის უფლებათა დაცვის კომიტეტის თავმჯდომარის პოზიციიდან სოფო კილაძის გათავისუფლება მოითხოვეს.
აქციის მონაწილეების განცხადებით, სოფო კილაძის საქმიანობა და ღირებულებები ადამიანის უფლებებისა და თანასწორობის პრინციპებს არ შეესაბამება.